澳門一

六個女人，終於等到仔女大晒嘅一日(其實唔係好大，最細嗰個得十八歲)，約埋去玩番幾日。

我上次去澳門，已經係八，九年前嘅事，印象仍停留在葡京賭場嘅煙霧迷漫，似走咗入古惑仔電影裏面一樣。

香港老友早已編好行程，一落船，見各賭場嘅專車佔據成個碼頭，我哋上咗去葡京嗰部車，午餐喺四五六用餐，特别嘅有原隻鮑魚酥，龍蝦酥，好豪嘅點心喎，好好食，但豆漿油條都一樣咁好食。

千葉

我哋只逗留日本一晚，唔去東京咁遠喇，留在千葉一日遊。

成日食日本嘢都係食魚生壽司，都唔知日本人嘅早餐係食乜嘢，呢朝早我哋喺酒店食自助早餐，睇吓佢啲食乜先。

從酒店行出去，經過一條好日本嘅路，行大概十五分鐘，就到達成田山新勝寺，呢度唔係鬧市，一路行都冇乜人，入到寺裏面，更覺寧靜，我哋兩個凡夫俗子，周圍行吓坐吓影吓相，短暫遠離麈世兩個鐘。

離開寺廟時走回頭路，好多店舖已經開門，我哋見到好幾間鰻魚店已經開始劏鰻魚，難得我同好朋友都鍾意食鳗魚，但當時才十一點，我哋又未肚餓，當日行程又唔容許我哋食晏時再番嚟呢度，真傷腦筋。最後决定叫一客淨鰻魚兩人分享，淺嘗了結此鳗魚一事。

鰻魚鮮，加埋冰凍麥茶，我在回味中。

回転壽司

紐約也有一間回転壽司，去過一次就未再去過，又遠又冇質素，算吧。

我同一個好姊妹今個週末會同四個香港老友去澳門大聚會，我哋六個人相識幾十年，佢哋話好似M club咁喎，攪到我早兩三個星期快的睇番套劇，如果唔係就搭唔到咀架喇。

今晚同老友停一晚東京，食吓壽司，聽日就番香港，期待週末M club吃喝玩樂之旅。

有空姐朋友介紹，今晚嚟咗呢間回転壽司，平靚正正正啊！

小意大利

小意大利區就喺唐人街隔離，呢晚食過晚飯，帶朋友嚟呢間百年老店飲架啡食甜品。

第一次嚟呢度係廾幾年前，當時係遊客一名，又點唸到會喺度落地生根。十年人事幾翻新，同老朋友一齊食吓嘢，想當年，好寫意呵！