唔知點解我冇追劇集嘅習慣,記憶中以前睇過他來自江湖,亦睇過趙薇做小燕子嗰套,唔記得個名添,最近睇嘅都已經係幾年前嘅溏心風暴。二十年前仲有好多戲睇,差不多每晚放工都租隻鐳射碟返屋企睇戲,唔知香港而家仲有冇人拍戲嘅呢?
最近韓劇流行,乜都星星一番,攪到我心思思想睇添。
有朋友喺温哥華嚟玩,同佢去食飯,當然唔敢食中國餐,怕失禮嘛。揀咗去KTown 食韓國餐,我自已都好耐冇出城喇,好多餐廳都改哂,多咗好多韓式Cafe。
呢晚有燒烤拼盤,海鮮餅,人參雞湯,晚餐後去cafe飲番杯架啡,渡過一個星星晚上。