Bobby's Burger Palace

朋友話要帶我去間好好食嘅 burger 餐廳，又講唔出個名，係咪 Five Guys 呀？唔係。係咪 Shake Shack 呀？又唔係。去到一睇，原來係Bobby Flay嘅漢堡皇宫。

我叫咗LA burger, 有牛油果同西洋菜，真係幾好食喎，最正嘅係個番薯薯條，加埋D有少少辣嘅醬料，好好味。好耐都未飲過沙史汽水嘞，樽裝零啥好味嘅。

餐廳嘅環境都唔錯，坐得好舒服，以後可以再幫襯。

人家種蒲瓜

我不會種植，連仙人掌都可以死在我手中，所以看見别人種花種菜，只有羡慕和欣賞。

今早教友送我一個蒲瓜，有三十吋長，看見這又大又靚自家種的瓜，勁開心啊！她説今年收成有七十一個蒲瓜，這個是屬於小的。

我打算今個星期唔煮飯喇，餐餐食蒲瓜！

吃喝玩樂以外

本來我只管吃喝玩樂，工作的事不甚上心，但有時與朋友吃飯，他們都對我工作上遇到的事很有興趣，等我喺呢度又即管寫吓。

某一天，雷電交加，航班不斷延誤或取消。有一隊强國人三十多人，航班取消咗，雞同鴨講，我嘅同事就叫我去招呼佢哋，我唔多願都要去喇，不過我話定比我D同事聽，等陣見到我大大聲，又或者好惡咁，千祈唔好嚇親，因爲强國同胞係咁樣溝通嘅。

我話俾强國人聽，我哋要第二日至有航班俾佢哋坐，不過佢哋行程好趕，第二日就趕唔切喇，因爲佢哋第二日又要坐飛機去第二度，佢哋問我可唔可以調另一架飛機嚟接佢哋喎，雷電交加，如果可調另一架機嚟就唔駛取消你本來嗰班喇！

不過佢哋仲算客氣，仲美女前，美女後咁叫我(我是中年婦人啊)，我都盡咗力，做埋我工作範圍之外嘅嘢去幫佢哋，佢哋好似都好多謝我咁。好嘞，佢哋決定去第二個機場改搭另一班飛機，直接去本來佢哋第二日要飛嘅目的地。

咁樣呢佢哋要攞番之前托運咗嘅行李，機場當時亂過亂世人，我幾經辛苦至揾到人摷到D行李，不過就揾唔到其中五件。而佢哋又要趕去另一個機場，我都好明白D行李差幾件係好麻煩，呢個時候，有一個人就情緒失控喇，一手攞起我掛喺心口嘅証件，睇我乜嘢名，話要投訴我，我就話俾佢聽，你要投訴可以，但唔可以惦我，我即刻同你叫警察，佢D同胞就勸開佢，又同我道歉。唉，我預料嘅場面始終都係發生咗，我真係好怕D强國人一堆人嘈嘈閉架，今次夾我喺中間添，嬲爆:-(

北京酸奶

有時逛超市見到有乜嘢新介紹都會睇吓，覺得吸引都會買，今次俾我見到北京酸奶，仲係美國製造，雖然價錢比一般乳酪貴好多，但未致於買唔起，一於買幾盒返嚟睇吓可唔可以揾到北京的味道及回憶。

第一次坐飛機是從廣州去北京，三十多年前的北京是怎樣的是可以想像，那是物質貧伐的年代。當我在街中見到有酸奶賣，覺得很新奇，一試之後更愛上它，後來好像係廣州再飲過，不過就不及在北京時的印象深刻。

今年初去了北京一趟，同朋友行街時見到有酸奶賣，我嘩一聲叫，好開心，當然想買番樽食，點知俾我朋友撥冷水話佢住喺北京，從來唔會喺街邊買嘢食，唔想揾自已較飛，俾佢咁講，我唯有聽話喇，唔通我想揾自已較飛咩？

今次喺美國食到北京酸奶，味道跟記憶中是一樣的，係咪好開心呢！

IHOP

好耐都無去IHOP食早餐喇，上次去是兩年前大哥從香港來玩，帶他和大嫂去見識一下大份到嚇死人的美式早餐。食一份呢D早餐，可以飽到夜晚。

揾到有買一送一的優惠券，就嚟食喇！架啡是一整壷給你的，唔夠可以再要。睇吓週圍嘅人D身形，再睇吓份早餐，我唸我都係兩年之後再好幫襯喇！

多倫多

上個月去了多倫多幾天，跟舊友見見面，少不免的是港式美食。

居然在這短短幾天，可以跟兩個從香港帶仔女來多倫多開學的朋友碰面。我每次返香港都很怱忙，朋友亦都要返工，我又想多留在家陪老父，所以也不是每次都約會到朋友。今次可在多倫多跟朋友見面，實屬難得。

朋友帶我去食港式早餐，那杯港式奶茶真對胃口，中午去飲茶，那些點心，真可跟香港的看齊。這個炸蝦餃，現在再看還很回味啊！

多倫多的夏天好舒服啊！那裏居住環境亦不錯，不過冬天實在太凍了，人愈老愈怕凍，這絶不是我理想退休之地。

中秋節快樂！

這些冰皮月餅和奶皇月餅是我BB班的習作，食譜都是網上各位高人的分享，而家雅虎要關門大吉，以後要揾食譜都無以前咁方便喇！

不過舊嘅唔去，新嘅唔嚟，希望blogspot可以讓我哋呢D網中人繼續玩落去。

仍在嘗試玩寫blog!

玩咗幾日，終於嚟到這個熟口面的地方，可以寫字了。我用手機寫，旁邊鬼婆同事看得嘖嘖稱奇。我何嘗不是呢？從前怎想得在這網络世界，可以把人的距離拉得這麽近？

今天香港很多人是做節吧？我的家人也傳來照片，看見一桌美食和各式月餅，我在異鄉也感受到那一屋的歡笑聲。各位，中秋節快樂！